கொஞ்சும் கிளி கோதைக்கு

வளையல் சார்த்துவோம் !

கோரஸ்:

வளையல் சார்த்துவோம் ! – வண்ண

வளையல் சார்த்துவோம் ! 

அஞ்சுகமாம், ஆடிப் பூர

நாளதனில் அவதரித்த…

கொஞ்சும் கிளி கோதைக்கு

வளையல் சார்த்துவோம் !

கோரஸ்:

வளையல் சார்த்துவோம் ! – வண்ண

வளையல் சார்த்துவோம் !

கோரஸ்:

வளையல் சத்தம் கேட்கும் வீட்டில் சீக்கிரம்..

மழலை சத்தம் கேட்டிடுமே நிச்சயம் ! (2)

சரணம் 1

————-

மாலைசூடிக் கொண்ட தோளில் வளையல் மாலை சூட்டி,

மாலவனைக் கரம்பிடித்த கையில் வளையல் பூட்டி (2)

மின்னுகின்ற மேனியெல்லாம் வண்ண வளையல் சாற்றி(2)

ஒன்றுகூடி பாடிடுவோம் அவள்புகழை போற்றி ! (2)

(கொஞ்சும் கிளி) 

சரணம் 2

————-

ரங்கமன்னார் உள்ளத்தினை காதலினால் ஆண்டாள் !

சங்கத் தமிழ் தேனமுதை கவிதையினால் ஆண்டாள் ! (2)

திருமாலின் பக்கம் நின்று திருமகளாய் ஆண்டாள் !

திருவடியைப் பணிந்தவரை கருணையினால் ஆண்டாள் ! (2)

(கொஞ்சும் கிளி )