தீயான தேகத்துள் ஜீ..வனாக…

காருண்யம் வழிந்தோடுமோ? – சிவ

காருண்யம் வழிந்தோடுமோ?(2)

அருணாச் சலமெனும் ஜோதி ! – அது

கருணா சாகர ஆதி ! (2)

அருளும்..சுடராய்…காட்டுமே ! – அது

அல்லல்தரும் வினை ஓட்டுமே ! 

கோரஸ்:

ஆதி யோகியே ! அண்ணாமலையே !

அருந்தவ ஒளியே !தாள் சரணம் ! (2)

தீயான தேகத்துள் ஜீ..வனாக…

காருண்யம் வழிந்தோடுமோ? – சிவ

காருண்யம் வழிந்தோடுமோ?

சரணம் 1

————–

தீயான வடிவென்று இருந்தாலுமே..

தாயுள்ளம் தனைக் கொண்டவா ! (2)

அடியார்கள் அவர் கோரும் வரம் யாவையும்..(2) – உட

னடியாக அருள்கின்ற எமதாண்டவா !

கோரஸ்:

ஆதி யோகியே ! அண்ணாமலையே !

அருந்தவ ஒளியே !தாள் சரணம் ! (2)

தீயான தேகத்துள் ஜீ..வனாக…

காருண்யம் வழிந்தோடுமோ? – சிவ

காருண்யம் வழிந்தோடுமோ?

சரணம் 2

———

திரு வண்ணாமலை மீது ஒளிர் தீபமே

இருள் நீக்கும் மெய்ஞானமே ! (2)

ஐம்பூதம் பணிந்தேற்றும் திருப்பாதமே (2) – மலை

வடிவான பேரக்னி உன்ரூபமே !

கோரஸ்:

ஆதி யோகியே ! அண்ணாமலையே !

அருந்தவ ஒளியே !தாள் சரணம் ! (2)

தீயான தேகத்துள் ஜீ..வனாக…

காருண்யம் வழிந்தோடுமோ? – சிவ

காருண்யம் வழிந்தோடுமோ?

அருணாச் சலமெனும் ஜோதி ! – அது

கருணா சாகர ஆதி !

அருளும்..சுடராய்…காட்டுமே ! – அது

அல்லல்தரும் வினை ஓட்டுமே ! 

கோரஸ்:

ஆதி யோகியே ! அண்ணாமலையே !

அருந்தவ ஒளியே !தாள் சரணம் ! (2)

அருந்தவ ஒளியே !தாள் சரணம் !

அண்ணாமலையே !தாள் சரணம் !