1)

சிவந்த கொவ்வை கனிகள்போல்

  சிவந்திருக்கும் இதழ்களும்

விரிந்து செவியின் வரையிலும்

  அகண்டிருக்கும் கண்களும்

ஒளிரும் முத்து கவர்ந்திடும்

  அழகுமிகுந்த நாசியும்

மிளிரும் லலிதை முகத்தினை

  வைகறையில் நினைக்கிறேன் !

Chorus:

அம்பிகே ! லலிதம்பிகே !

2)

தங்க வளையல் சூடிடும்!

  தளிர்விரலில் மோதிரம் !

அங்கு சமும் கரும்புடன்

  மலர்களம்பு ஏந்திடும் !

வரங்கள் அருளும் கற்பகக்

   கொடியைப்போன்ற லலிதையின்

கரங்கள் அதனை அனுதினம்

  காலையிலே துதிக்கிறேன் !

Chorus:

அம்பிகே ! லலிதம்பிகே !

3)

வாழ்வு என்னும் கடலினைக்

   கடக்கஉதவும் ஓடமாம்

வாழ்த்தி ப்ரம்மன், தேவரும்

   வணங்குகின்ற பாதமாம் !

ரேகை யாக சக்கரம்

   கொடியும்,மலரும் கொண்டதாம்!

தாளைப் பணிந்து லலிதையை

   காலையிலே வணங்குவேன் !

Chorus:

அம்பிகே ! லலிதம்பிகே !

4)

பரம சிவனின் துணையவள் !

  பவானிஎனும் பெயரினள் !

பரம தூய கருணையள் !

   மூன்றுதொழிலும் செய்பவள் !

மறைகள் போற்றும் தேவியள் !

  சொல்லிலடங்கா வடிவினள் !

கலைகள் தந்த லலிதையை

  காலையிலே துதிக்கிறேன் !

Chorus:

அம்பிகே ! லலிதம்பிகே !

5)

ஜகத் ஜனனி, சாம்பவி

  கமலா, காமேஸ்வரி !

வாக்தேவி, திரிபுர

  ஈஸ்வரி, மாஹேஸ்வரி !

என்று லலிதை உந்தனின்

  நாமங்களை பக்தியாய்

என்றும் காலை வேளையில்

   மனம்வுந்து உரைக்கிறேன் !

Chorus:

அம்பிகே ! லலிதம்பிகே !

6)

லலிதை பஞ்ச ரத்தினம்

  இதனை சொல்லுவாருக்கு

லலிதை அவளின் அருளினால்

   பாக்கியங்கள் சேருமே !

செல்வம், அறிவு, இன்பமும்

  அளவிலாத புகழுமே ..

எல்லை இன்றி கூடுமே !

  நலங்கள் யாவும்சேருமே !

Chorus:

அம்பிகே ! லலிதம்பிகே ! (2)